ԾՐԱԳՐԻ ՆՊԱՏԱԿՆԵՐԸ

Գրադարանային տեղեկատվական աղբյուրներ մագիստրոսական ծրագրի նպատակն է ուսանողներին ապահովել անհրաժեշտ հենք տեղեկատվական ոլորտի մասնագետների կարիերաի զարգացման համար, ինչպես նաև նրանց սովորեցնել, թե ինչպես կիրառել տեխնոլոգիական ձեռքբերումները գրադարանային գործում` հասարակության փոփոխվող կարիքները բավարարելու համար:

Այս ծրագրով ուսանողներին ներկայացվում է ժամանակակից հասարակությունում գրադարանների դերն ու գործառույթները, դրանց կարևոր հիմնախնդիրները և տեխնոլոգիական միտումները, սովորում են կառավարել և գնահատել հավաքածուները, ինչպես նաև այն, թե ինչպես կիրառել տեխնոլոգիաները տեղեկատվության հասանելիությունը բարելավելու համար: Ուսանողները սովորում են նաև գրադարանների տեղեկատվական ցանցերի կառավարում, հիմնարար գիտելիքներ են ձեռք բերում վեբ ծրագրավորման և գրադարանների վեբ-կայքերի կառավարման մասին:

Մագիստրոսական այս ծրագիրն ավարտող ուսանողները պատրաստ են աշխատելու գրադարանի ղեկավարման, հանրային ծառայությունների, տեխնիկական ծառայությունների, տեղեկատվական-մատենագիտական ոլորտում, ինչպես նաև կարող են աշխատել հանրային, դպրոցական, ակադեմիական և հատուկ գրադարաններում:

Հասցե՝ Հայաստանի Հանրապետություն, Երևան 0019, Մարշալ Բաղրամյան 24դ, ՀՀ ԳԱԱ Գիտակրթական միջազգայն կենտրոն

Հեռախոս՝ +(374 10) 56-80-68